STORY: ANG LALAKI SA BUROL [11]

Marami kaming napag-usapan habang nasa biyahe. Kahit si Sophia at ang nangyaring pag-akusa niya na ako ang dahilan ng food poisoning ay napag-usapan din namin. At alam din raw niya na inapi-api ako ni Sophia.

“Tiisin mo lang muna. Kasi, malapit na akong umalis sa poder niya.” ang sambit ni Marlon. Parang nakikinita kong may nabuo na siyang plano bagamat hindi naman niya sinabi kung ano ba talaga ito.

“Saan ka naman pupunta kapag nakaalis ka na sa poder niya?”

“Uuwi sa atin eh. At doon maghanap ng trabaho. Bakit, sa tinign mo ba ay hindi ako makahanap ng trabaho?”

Hindi na ako umimik. Syempre, kapag pamilya na niya ang pinag-uusapan, wala akong kaalam-alam. Ayokong madagdagan pa ang mga kasinungalingan ko o kaya ay may masabi akong nakakaduda na.

Habang palapit nang palapit kami sa aming lugar, palakas nang palakas naman ang kabog sa aking dibdib. Hindi ko kasi alam kung saan siya dadalhin.

“Excited na ako yak... sabik na akong makita ang mga pinsan natin” sambit ni Marlon, bakas sa kanyang mukha ang labis na kagalakan.

Ang sabi ko kasi sa kanya ay mga pinsan ang pupuntahan namin. Wala akong planong magpakita sa bahay na kasama siya. Baka mamaya madagdagan lamang ang aking problema kapag nalaman ng aking mga magulang na nagpanggap akong kapatid ni Marlon. Isa pa, nasa Mindanao ang pamilya niya, na nasabi ko na rin sa kanya.

“P-pero di ba ang sabi mo ay nasa Mindanao ang pamilya natin?” dugtong din niya.

STORY: BOOK 1 - Love Me Like I Am [5]

Part 5: "Best FriendS with S!"

Kahit Nag-init ang tenga ko sa nadinig kong iyon, di pa rin ako nagsalita pero si Ely..

ELY: “Wow!! Ano ito?? BASTUSAN!?!?” ang biglang pagsigaw ni Ely..

ELLA: “ELY!!” ang pagsita niya.

AKO: “Ely Please..”

At biglang sumagot si Kuya Jared..
KUYA JARED: “No thank you, maybe some other time na lang.” ang sagot niya sa imbitasyon ni Steph.

STEPH: “Ok.. Nice meeting you (sabay tingin sa akin, kay Ely, at kay Ella.)… Jared..” at ngumiti na parang may maitim na balak.

After nun umupo na siya sa table nila ng mga alipores niya. Tahimik kaming bumili ng pagkain ni Kuya Jared at naupo sa table nila Ely at Ella. Ramdam ko ang tensyon sa pananahimik ni Ely.. Para siyang isang bombang sasabog ano mang oras dahil sa sobrang pagka-inis. Tahimik kaming kumakain ng biglang..

ELY: “Grabe!!! Ang ganda niya nuh??” ang pasigaw at sarcastic na pagpaparinig ni Ely kay Steph sa di kalayuang upuan.

STORY: PISO [7]

Tila ang kalasingan ko noon ay nawala sa nakita ko. Ibang iba ito noong ito ay aking iniwan. Pagbukas ko ng pinto ay animoy wala ako sa sariling tirahan. Luminis ito, gumanda, halos lahat ay nakaayos na sa kanilang pwesto. Kung dati ay mukha itong dinaanan ng bagyo lagi, ngayon para akong may pitong katulong. Malinis. Maaliwalas. Maayos.



Umupo ako pagkatapos kong pumasok ng bahay. Pati ang inuupuan ko ay iba na ang ayos nito. Itinama kung saan dapat nakapwesto, pati ang cover nito napalitan na din. Nakakapanibago.

Siguro'y narinig ni Jay ang pagpasok ko kaya naman tumawag ito mula sa banyo kung saan siya naliligo. "Jose...ikaw na ba yan?"sigaw niya mula sa banyo.

"Parang di ko 'to bahay ahh. Ikaw lang ang gumawa ng lahat ng ito?" Tanong ko sa kanyang may boses ng pagkamangha at kalasingan. Tawa lang naman ang nakuha kong tugon mula sa kanya.

Inilibot ko ang aking tingin sa loob ng bahay habang ako ay nakaupo. Hindi pa rin ako makapaniwalang siya lang mag-isa ang gumawa ng lahat ng ito. Nakakapanibago talaga.

Habang abala naman ang mata ko sa pagkamangha sa kanyang ginawa ay biglang bumukas ang pinto ng banyo na malapit lang sa sala kung saan ako nakaupo. Paglabas ni Jay ay hindi ko maiwasan hindi humanga sa ganda ng kanyang katawan. Nakatapis lang ito ng tualyang lumabas ng banyo. Napatitig ako sa kanya. Nadarang. May kung anong init ang gumapang sa aking buong katauhan. Hindi ko alam kung bakit, kung nahuhulog na ba ang loob ko sa kanya o dala lang iyon ng kalasingan. Napatulala lang ako habang pinagmamasdan siya.